Почина Мајкл Џексон

Поп гигантот Мајкл Џексон, кој уште како дете ја освои сцената на светот со своите песни и играње веќе со декади, почина.

Поп ѕвездата мајкл Џексон беше прогласен за мртов од лекарите попладнето, веднаш после пристигнувањето во состојба на кома во болницата објави ЛА Тајмс, од полициски извори.

Нема официјални коментари од портпаролите на Мајкл, попознат и како Крал на Поп музиката. Неговата смрт ја потврди неговиот татко,но болницата е целата под опсада од полиција и обезбедување, па изјава е невозможно да се извлече.

Тој бил однесен во болница во петокот утрината во UCLA медицинскиот центар.

ЛА тајмс објави дека кога болничарите пристигнале во домот на пејачот, околу 12:30 часот во петокот, морале да го реанимираат пред да го однесат во болницата бидејќи тој престанал да дише. Подоцна починал од затајување на срцето.

Џексон,50, имаше закажани концерти во Лондон на 13 Јули па се до Март 2010. Тој во ЛА вежбал за претстојните концерти веќе два месеца.
Концертите се распродадоа за само неколку часа и тоа се до Март.

Мајкл Џексон ја почна кариерата уште како дете во бендот „The Jackson 5“ пред повеќе од 40 години. Живееше повлечено поради неколкуте обвиинувања за злоставување на деца во 2005.

Шпекулации за неговото здравје кружат веќе неколку години, но промоторите на неговите концерти велеа дека Џексон поминал на сите тестови за физичка спремност и подготвен ќе излезе на бина.

Роден е на 29 Август 1958 во Гери, Индијана во САД, како седмо од девет деца. Петте Џексон момчиња-Џеки, Тито, Џермеин, Марлон и Мајкл-за прв пат настапуваа заедно на избор на таленти кога Мајкл имал само 6 години. Ја зеле првата награда на настапот и од таму се оди во нагорнина, тие станаа најпродаван бенд. Имаа хитови како "I Want You Back," "ABC," и "I'll Be There."

Првиот соло албум Џексон го пушти во продажба во 1972 година, а „Thriller“ во 1982 година, кој стана хит со дури седум топ 10 песни од албумот. Албумот се продаде во повеќе од 100 милиони копии ширум светот со што стана најпродаван албум во историјата.

Наредната година го објави својот хит сингл „Billy Jean“ и неговиот заштитен знак стана „the moonwalk“

Во 1994, Мајкл се ожени со единственото дете на Елвис Пресли, Лиса Мари Пресли, бракот заврши со развод во 1996 година. Џексон се ожени истата година со Деби Роу и имаше две деца, пред да се разведе во 1999. Двојката никогаш не живееше заедно.

Тој има три деца, Принц Мајкл, Парис Мајкл и Принц Мајкл II познат по славното подавање од прозорецот кога неговиот татко сакаше да го покаже на јавноста.

Еве ги фактите за Michael Jackson.

Коментари (0) add comment