Иако ФИА ги стави на листата тимови за следната сезона на Формула 1. Од Ferrari се огласија со изјава дека нема да настапуваат следната сезона со најавените нови правила.

„Ferrari на 29 Мај предаде условна пријава за настап во Светското првенство на Формула 1, кој содржеше неколку услови. До денес тие услови не се исполнети. Иако Ferrari писмено побара од ФИА да не го вклучува Ferrari како безусловен учесник во натпреварите следната сезона, токму тоа се случи. За да го отстраниме секое сомневање, ние во Ferrari сакаме да потврдиме дека нема да настапуваме во натпреварувањето на ФИА под правилата кои се потпишани за следната сезона“- изјавија во јавното службено соопштение на тимот од Маринело.

ФИА сепак се повикува на потпишаниот долгорочен договор потпишан пред неколку години.

Според Ferrari, ФИА на листата на тимови за следната година ги стави и преостанатите девет постоечки: Williams и Force India кои пратија безусловно пријави, но и Red Bull, Ferrari и Toro Rosso бидејќи ФИА инсистира на спроведувањето на долгорочниот договор кои овие тимови го потпишаа пред неколку сезони. Тука секако ќе има проблеми, бидејќи Ferrari од порано најавуваше дека ќе превземе одредени контрамерки доколку ФИА се повика на тој договор. Досега Ferrari е подржан од Red Bull, кој исто така најави дека нема да настапува под тие услови.

Ќе има проблеми и со другите пет тимови: Brawn GP, McLaren, Renault, Toyota и BMW Sauber. И нив ФИА ги стави на листа за сигурни тимови за следната сезона иако и овие најавија дека ќе размислат за настап под новите правила.

На нив ФИА им надреди седумдневен ултиматум. До следниот Петок, 19 Јуни, тие би требало да ги повлечат своите условни договори и да пријават безусловни договори, ако не го сторат тоа ФИА ќе ги исклучи од натпреварувањето.

Ако остане ставот непроменет и кај двете страни, најмногу како и обично, ќе страдаат навивачите, љубителите на Формула 1.

Конечно, нови три тимови од следната сезона ќе бидат шпанскиот тим Campos Grand Prix, позади кој стои мексиканскиот милијардер Карлос Слим. USF1, американски тим кој го држи Питер Виндздор и Кен Андерсон и британскиот Manor Grand Prix, тим чиј влез е најголемо изненадување. Под името Manor Motorsport  тимот стана познат натпреварувајќи се во Формула 3. Ќе биде воден од Џон Бут и Ник Вирт.