Поп Дивата Витни Хјустон се враќа на сцената кон крајот на летото, со нов албум кој уште не е именуван.
За нејзиниот камбек издавачката компанија „Arista Records“ постави одборјување на официјалниот сајт WhitneyHouston.com, на кој во следните недели ќе можат и да се преслушаат инсерти од некои од новите песни.

Продуценти и текстописци кои дадоа придонес на албумот се Вил Ај Ем, Шон Гарет и Ејкон, иако нема потврда дали дуетот со Ејкон, „Like I Never Left“, кој минатата година се појави на интернет, ќе се најде меѓу избраните песни. Хјустон своето прво појавување во јавност по подолго време го направи во февруари на пред-Греми журката на својот ментор Клив Дејвис, на која изведе четири песни, меѓу кои и класиките „I Will Always Love You“ и „I'm Every Woman“.

Во изминатите години Витни имаше проблеми со здравјето и со зависноста од дрога, а во 2004 и 2005 година беше и на рехабилитација. Потоа следуваше судски спор со татко и Џон Хјустон, имаше и финансиски проблеми, а несредениот брак со Боби Браун го заврши со развод.