Британската тинејџерка Софи Фрост (14) од Рејлеиџ преживеала удар на гром од 300.000 волти, благодарение на iPod-от што го носела околу вратот.

 

За време на невремето таа со своето момче се засолнила под едно дрво и во тој момент удрил громот. Лекарите веруваат дека Софи го преживеала ударот од громот поради жицата од слушалката на iPod-от, низ која најголемиот дел од огромниот електрицитет завршил во земјата, пишува Dnevnik.hr, повикувајќи се на Дејли Меил.

Девојчето имало само изгореници по градите и по нозете, додека на нејзиното момче од ударот на громот му биле повредени очите. Лекарите се уверени во нивното целосно заздравување.

По ударот на громот, бидејќи се држеле за раце, двајцата паднале во несвест. Д-р Јан Колтон од универзитетот во Манчестер, смета дека во случајот на Софи, металната жица послужила како совршен проводник кој, најверојатно ја спасил од сигурна смрт.