За четири децении, Фидел Кастро, неприкосновениот водач на кубанската револуција и нејзин децениски претседател, секој ден нарачувал по една жена за ручек и за вечера, а честопати имал љубовница и за појадок, покажува истражувањето на The Daily Beast. Овие бројки доаѓаат со едноставна пресметка на податоците што ги даваат биографите на Фидел Кастро, според кои секојдневно тој спиел најмалку со две различни жени. За нив биле задолжени доверливите луѓе од неговото најблиско опкружување, кои ги барале по плажите во околината на кубанската престолнина Хавана.

Официјално, Кастро има осум деца од четири жени, а минатаta седмица беше објавена фотографија на која е со неговата сегашна сопруга Далие Сото дел Вале.

Во ова истражување на американскиот портал, како втор најголем љубовник е запишан еден од најдобрите американски кошаркари на сите времиња Вилт Чебрлен. За него е наведено дека спиел со 20 илјади жени, бројка која самиот ја навел во неговата биографија, истакнувајќи дека никогаш не спиел со мажена жена, фалејќи се дека и ретко кога легнал со грда.

Како што скоро беше објавено, трет на листата „Казанови“ на сите времиња е холивудскиот актер Ворен Бити, со „бројка“ од 13 илјади. Се разбира на неговата „листа“ се наоѓаат и најпознатите, како што се актерките Џејн Фонда, Џоан Колинс, Лесли Керон, Изабел Аџани, Џули Кристи, Дајана Китон, Мадона, Анет Бенинг итн.

Според авторите на ова истражување, на обичните мажи им се дава и една утеха. Имено, тие со еден пример потврдуваат дека за да се легне со многу жени и не мора да се биде славен. Тие го вбројуваат како доказ поранешниот вратар на славниот хотел Венетиан во Лас Вегас, Умберто Било. Наводно, тој спел со осум илјади гостинки во хотелот, а добил отказ од работа затоа што постојано бил уморен и не можел да ги исполни секојдневните работни обврски.

На петтото место е повторно актер, Чарли Шин. Тој во медиумите е познат по големиот број пропаднати бракови, но и по долгата врска со порно-ѕвездата Џинџер Лин Ален. Наводно тој успеал да легне дури пет илјади жени.
На оваа листа се наоѓа и вокалистот на некогашната светска рок-атракција групата Кис, Џин Сајмонс, со 4.600, па најголемата машка порно-ѕвезда Рон Џереми со недефинирана бројка меѓу четири и пет илјади жени, основачот на Плејбој Хју Хефнер со повеќе илјади, Џек Николсон со околу две илјади жени, а пејачот Ерик Клептон и кошаркарот Меџик Џонсон ја заокружуваат листата со повеќе од илјада жени со кои спиеле.
За споредба, бројката на најголемиот љубовник Казанова – изнесува 130 жени со кои легнал. Но, тоа е во 18-от век.