Како да се прекине виртуелното пријателство? Иако самиот поим „пријателство“ е дискутабилен. Многумина го критизираат интернет пријателството, но факт е дека дека може да се роди пријателство и преку жици.
Исто како што може да се направи, кога тогаш треба и да заврши. Погрешна реченица или препирка и некогашното другарување е завршено. Иако нема физички контакт виртуелното пријателство може да боли. Еве неколку совети како да се справите со тоа.

1.Еден едноставен начин е да го избришете контактот од Facebook, MySpace или било што. Сите тие интернет друштвени мрежи имаат опции за додавање и бришење пријатели. Искористете го тоа што ви се нуди, некогаш тоа е и најлесно.

2.Можеби пријателството е предлабоко за да едноставно го избришете. Тогаш можеби е подобро да пратите e-mail во кој ќе објасните сите прилини поради кои го прекинувате пријателството и не сакате да се дружите. Бидете тактични и размислете што пишувате пред да го пратите и последиците кои ќе излезат од тоа писмо. За разлика од говорот каде што можеме веднаш да се поправиме дури и да го негираме. Кај напишаното нема враќање назад, се е црно на бело.

3.Ако сте доволно прибрани , да речеме така, најдобриот начин би бил да престанете со секаква комуникација. Не одговарајте на пораки, на ништо. Така ќе избегнете конфликт и емоции со кои можеби не сакате да се соочите.

Можеби е сето тоа привремено. Сами на крај ќе сватите кој е најдобриот начин да ја решите ситуацијата.