Тајлер Вајнман е 18 годишник кој е затворен под обвинение дека извршил убиство на над 18 мачки.
Според агенциите тој е уапсен во Јужна Флорида во област на Мајами.недалеку од местото каде што се појавувале телата на мачките.

Според извештајот на полицијата: „Тајлер Хајс Вајнман, чии разведени родители живеат на местото каде што се пронајдени телата на мачките, е обвинет во Неделата со 19 обвиненија за суровост кон животните и недостојно отстранување на мртви тела на животни.“

Властите велат дека Тајлер бил набљудуван подолго време.

Пред неколку недели, инспекторите го „прибрале“ на информативен разговор од неговата матурска вечер, велат соседите, го собрале свечено облечен, подготвен за излегување, неколку минути пред да замине на матурската забава.

Уапсен е во неделата на друга забава, пред неговите соученици и блиски пријатели.

Во соседствата на Катлер Беј и Палмето Беј, Вајнман наводно ги убивал мачките, потоа им ја отстранувал кожата оставајќи ги мртвите одерени мачки пред портите на нивните сопственици, понекогаш во необични пози.

Тој бил и двапати апсен како малолетен заради деликвентни злодела.

Адвокатот вели дека е невин и тоа ќе го докажат на суд. Исто напоменал дека убиецот сеуште ги демне мачките.

Против Вајман се подготвуваат 19 обвиненија за убиства и изживување врз животни, за кои е предвидена казна од 5.000 долари и шест месеци затвор.

Вајман треба, исто така, да се подложи на психијатриско лечење, изјави полицијата.

Тој се обидел да ги надитри инспекторите на полицијата, бидејќи се регистрирал во група на Фејсбук, наречена "Да го фатиме убиецот на мачки", соопшти локалниот весник "Мајами хералд".