Натпреварувањето се веќе одржува 20 години и станува интересна туристичка атракција. А се започнало со една необична кавга помеѓу двајца соселани.



Пред повеќе од 20 години двајца Англичани се карале чии стебла од коприва се подолги. Од кавгата настанало натпреварување кое се одржува секоја година.

Во едно село недалеку од англискиот град Дорсет, околу 1000 луѓе се собраа да навиваат за еден од 65-те натпреварувачи во Светското првенство во џвакање коприви.

Пред натпреварувачите се ставаат коприви долги околу 60cm. На натпреварувачите им е задача да ги оголат стеблата и да ги изедат лисјата. Победник е тој кој изел најмногу листови.

Навистина имаат грозен вкус. Неколку дена после натпреварувањето од вас излегува само бледо зелено, ако ме сфаќате. Вкусот е најдобро да го убиете со пиво-вели 48 годишниот рекордер Симон Сли, кој проџвака неверојатни 23 метри стебла коприви.

Натпреварувачите не смеат да одат во тоалет додека се натпреваруваат, бидејќи се автоматски дисквалификувани. Машкото натпреварување е одделно од женското. Овогодинешниот победник е Мајк Хобс со 15 метри стебла проџвакано, додека во женска конкуренција најдобра беше Мел
Ланг со исто толку метри изедени коприви. Изминатите години луѓето доаѓаа дури од Канада и Австралија само за да учествуваат на првенството.