Сликањето на iPhone е новина која брзо стана популарна ширум светот. Луѓето додека се возат на работа си цртаат на мобилните телефони со палците и показалците.

Програмата се вика “Brushes”, чини 2.99 фунти и може да се симне од интернет или AppStore/iTunes каде веќе се изложени дел од овие мини уметнички дела и веќе почнале и да се продаваат он лајн.

Програмата е креирана од Стив Спранг и се користи и на iPhone и на iPod Touch. Може да се слика врз веќе снимена фотографија или пак на бело платно.

Алатката содржи неколку реалистични четки за креирање на мазни и рапави линии, а има и екстремно зумирање за исцртување на детали. Може да се искористи било која боја од достапниот спектар, а за разлика од вистинското платно може да се прават корекции со undo и redo колку што се сака.

Корисниците на овој мобилен велат дека додека користат јавен превоз обично сликаат некои интересни ликови во возот. Може да се користи и за работа за некои специфични професии како аниматор, маркетинг и слично.

И забавно е и интересно да се црта на мобилен, велат луѓето кои ги креираа овие дела и за разлика од реалната уметност нема неред при цртањето, и многу подобро е да се црта на мобилен со прсти отколку на компјутер со глувче или пенкало, а и целата опрема за сликање ја собира во еден џеб.