Магнетите, кои ги забрзуваат атомските честички, речиси една година беа на поправка.Големиот хадронски колајдер треба да биде рестартиран во септември. Изјави Данило Враниќ, хрватски физичар во Европскиот центар за нуклеарни истражувања (ЦЕРН).Гигантската машина, од која научниците очекуваат да ја открие тајната за настанувањето на вселената, беше пуштена во употреба на 10 септември, но десетина дена по свеченото отворање експериментот беше прекинат поради истекување на течен хелиум од системот за ладење, кој предизвика дефект на електричните инсталации.По ова, експертите на ЦЕРН беа принудени од најголемиот инструмент во светот, сместен 100 метри под земја во 27-километарски тунел што се простира од Швајцарија до Франција, да извлечат 53 магнети.

Магнетите, кои ги забрзуваат атомските честички, речиси една година беа на поправка, што дополнително го пролонгира периодот во кој требаше да биде изведен експериментот. Целта на пет милијарди вредниот проект е да се пронајде и изолира „божјата честичка“, односно Хигсовиот бозон - хипотетска честичка што може да ги даде одговорите за создавањето на вселената. Во возбудливиот лов на Хигсовиот бозон, чие постоење уште во 1964 година го предвиде британскиот физичар Питер Хигс, во рамките на ЦЕРН соработуваат повеќе од 10.000 научници од целиот свет.