Годинава во киносалите низ светот ќе се емитуваат околу 30 филма, помеѓу кои и „Аватар“, на режисерот Џемс Камерон, од кого се очекува да ги популаризира 3Д-насловите.
Во потрага по нови начини со кои ќе го зголемат профитот, филмските студија се' повеќе произведуваат тродимензионални филмови, кои на киносалите им носат многу повеќе заработувачка од стандардните.Во дигиталната ера во која живееме филмската индустрија многу зависи од визуелните ефекти, поради што студијата ја зајакнаа соработката со софтверските компании со цел да создадат нов начин на забава.

- Бројката на тродимензионални филмови се зголемува секоја година, а публиката за нив плаќа повеќе отколку за обичните филмови. Приходот од овие филмови е два до трипати поголем - изјави Кимберли Маки, од американското Здружение на филмски работници и телевизиски инженери.Тој истакна оти додавањето на третата димензија на видеоматеријалите, освен добар бизнис-потег, е и прифаќање на можностите што ги нуди модерната технологија.

Првите успеси на ова поле се направени пред стотина година, додека првиот 3Д -филм бил емитуван во киносалата „Астор тиатар“ во Њујорк, во 1915 година. Слабиот интерес и недоволно развиената технологија, го одложија бумот на тродимензионалните филмови до 21 век. Дигиталната ера го унапреди општеството и 3Д-филмовите конечно ќе го добијат своето место во индустријата за забава - оцени Маки.

Годинава во киносалите низ светот ќе се емитуваат околу 30 филма, помеѓу кои и „Аватар“, блокбастер вреден 200 милиони долари на режисерот Џемс Камерон, од кого се очекува да ги популаризира 3Д-насловите.Една од првите киносали надвор од САД, која го прифати новиот тренд во филмската индустрија е „Синеворлд“. Британскиот синџир на киносали веќе инсталираше 144 3Д-проектори.Тродимензионалните филмови се голема шанса за зголемување на профитот на кината, кои не останаа поштедени од глобалната економска криза.Акциите на британската корпорација од почетокот на месецов пораснаа, откако синџирот соопшти дека благодарение на 3Д-насловите во првиот квартал го зголемил профитот за 19,1 процент.

Доказ дека постепено се случува промена на стандардите дојде од студиото „Дизни“, чие дело „Ап“ стана првиот 3Д-анимиран филм, кој го отвори фестивалот во Кан.Но, освен кон големото платно, филмските студија се' повеќе се ориентираат кон воведување 3Д-технологијата во домашната забава. Тродимензионални филмови со тек на време ќе ги заменат компакт-дисковите и уживањето во висококвалитетна слика и звук во сопствениот дом ќе стане реалност - велат од американското Здружение на филмски работници.

И софтверските компании, кои произведуваат видеоигри, не го губат чекорот со колегите од Холивуд, па најавуваат нови проекти кои ќе се базираат врз трите димензии. Денес ја имаме технологијата и можноста да создадеме широка палета на производи наменети за домашна дигитална забава - велат програмерите.

Текстот е превземен во целост од дневниот весник „Дневник“