Веројатно сте чуле како мирисните цветови привлекуваат пеперутки и пчели? Сличен систем важи и за сексуалната привлечност меѓу мажот и жената, барем за она што се случува при првата средба.

Заведувањето е работа на сетилата за мирис. Затоа, вистински афродизијак е продорен, привлечен, секси парфем... Одамна жените и мажите не се потпираат на нивниот природен мирис. Индустријата на парфеми им помага да одберат мирис кој ќе ги направи неодоливи за партнерот.

Главно оружје на заводничките

Одамна жените и мажите не се потпираат на нивниот природен мирис. Индустријата на парфеми им помага да одберат мирис кој ќе ги направи неодоливи за партнерот. Жените знаат дека заведувањето е еден вид уметност. Поради тоа парфемот го нанесуваат на места каде сакаат да добијат бакнеж. За сетилото за мирис постојат приказни уште од антички времиња: парфемот бил „главното оружје“ на Клеопатра. Наполеон бил заведуван од мирисот на „мошус“ кој го оставала зад себе Жозефина.

Векови подоцна, сексипилната Мерилин Монро, кога ја прашале што облекува за спиење, одговорила: „Само 2 капки Шанел 5“.
Г-ѓицата Коко Шанел кажала дека парфемот, освен на тие места каде што очекувате бакнеж, може да се стави и на поработ на здолништето. Стручните лица ќе ви кажат дека парфемот се става на местата каде што има пулс, т.е.таму каде што крвта допира до самата површина на кожата.

Што не ќе измислат...

Потрошувачката индустрија будни ги следи желбите на купувачите, како и модните трендови, па така на пазарот може да се најде и градник со мирис на лаванда и јасмин?! Постои дури и е-mail кој испраќа мирис на ружа, само што е потребен дополнителен уред од 300 евра кој ќе го поврзете со компјутерот за да го декодира.

Хотелот во палатата Сасо во равело, Италија, во нивната понуда имаат „намирисан кревет“: со какао и цимет за будење на задоволството, со лаванда против несоница, со мајчина душица или јасмин- за добар сон.

Мозокот е виновен за сė

Најновите истражувања спроведени на еден универзитет во Лондон велат дека во свеста најчесто се складираат сеќавања поврзани со некој карактеристичен мирис. Експериментот е спроведен така што на група доброволци им биле покажувани слики и им пуштале одреден мирис. Подоцна, на магнетна резонанца се гледало дека дел од мозокот кој е одговорен за препознавање на мириси реагира и кога на истите луѓе ќе им се покаже само фотографија. Тоа е доказ дека хипокампусот, дел во мозокот задолжен за паметење, обично ги архивира и сликите и звуците и мирисите, како и тоа зошто некоја ситуација не потсетува на одреден мирис.